Impresora 3D.
- Buscando a información na rede redacta aproximadamente 25 liñas explicando o seu principio de funcionamento, tipos e aplicacións.
- Engade un vídeo da rede (duración non superior a 3 minutos si é posible).
Polo xeral, os materiais que se utilizan para fabricar os obxectos poden ser metais, nylon, e como uns 100 tipos de materiais diferentes.
Unha impresora 3D é algo máxico, é coma se puidésemos por fin crear obxectos "da nada". Obxectos tan sinxelos como unha cunca de café a obxectos moito máis complicados e incribles como partes dun avión ou mesmo órganos humanos utilizando as propias células dunha persoa.
As impresoras 3D utilizan múltiples tecnoloxías de fabricación e tentaremos explicar de forma sinxela como funcionan.
As impresoras 3D o que fan é crear un obxecto coas súas 3 dimensións e isto conségueo construíndo capas sucesivamente ata conseguir o obxecto desexado.
Primeiro debuxamos nós mesmos nun papel o obxecto que queremos imprimir nas súas 3 dimensións, despois, cun programa de CAD deseñamos ese obxecto no noso computador, e por último separamos ese obxecto en capas para ir imprimindo capa por capa na impresora de 3 dimensións. É dicir, dun bosquexo en papel podemos conseguir un obxecto na realidade co material adecuado.
Actualmente existen dous tipos de impresoras 3D que son as seguintes:
- Impresoras 3D de Adición: nas que se vai engadindo o material para imprimir por capas (tamén se chaman "de inxección de polímeros")
- Impresoras 3D de Compactación: nestas, unha masa de po compáctase por estratos (capas) e dentro deste método clasifícanse en 2 tipos: as que utilizan Tinta ou as que utilizan Láser. As primeiras utilizan unha tinta que aglomera o po para que sexa compacto e esa tinta pode ser de diferentes cores para a impresión en diferentes cores. As segundas utilizan un láser que lle dá enerxía ao po facendo que este po se polimerice e logo mergúllase nun líquido que fai que se solidifique.
VÍDEO
Ningún comentario:
Publicar un comentario